"Эл-классико" олдидан "Реал" ва ҳакамлар ўртасида можаро юзага келди
Қироллик клуби телевидениесида ҳакам Рикардо де Бургоснинг "Реал Мадрид" зарарига қилган хатоси акс этган видео бир неча марта намойиш этилган.
"Эл Классико"га тайинланган ҳакамлар ўйиндан олдин матбуот анжуманида иштирок этишди.
Ўйин учун тайинланган VAR ҳаками Пабло Гонсалеснинг ушбу сўзлари" Реал Мадрид"нинг танқидига сабаб бўлди: "Реал TV бундай видеоларининг охири нима билан тугашини, оқибатларини тушуниши керак".
Гап шундаки, "Реал Мадрид" TV каналида феврал ойидаги Эл Классикога тайинланган VAR тизими ҳаками Рикардо де Бургоснинг "Реал Мадрид" зарарига қилган хатоси акс этган видео бир неча марта қўйилган.
Эслатиб ўтамиз, ушбу ҳакам "Реал Мадрид" ва "Барселона" ўртасидаги финал баҳсига бош ҳакам этиб белгиланган.
Клуб ҳакамнинг бу фикрини "Реал Мадрид"га нисбатан очиқ ва яққол душманлигини кўрсатмоқда дейди баёнотида.
Маълумот ўрнида, жамоалар шу пайтгача умумий 259 та расмий ўйинларда тўқнаш келишган ва уларнинг 105 тасида" Реал Мадрид" ғалаба қозонган, 102 та ўйинда "Барселона"нинг қўли баланд келган бўлса, 52 та ўйинда жамоалар муроса йўлини танлаган.
Копа дел Рей финалида эса 7 марта тўқнашув бўлган, улардан 4 та ўйинда" Реал Мадрид" ғалаба қозонган бўлса 3 та ўйинда "Барселона"нинг қўли баланд келган.
Охирги марта Копа дел Рей ўртасидаги баҳс 2014 йил 16 апрель бўлиб ўтган ва" Реал Мадрид" 2:1 ҳисобида ғалаба қозонган. Ушбу ўйин Гарет Бейлнинг машҳур соло голи орқали эсланади.
Айни дамда "Барселона" Ла лига турнир жадвалида 76 очко билан 1-ўринни эгаллаб турибди. "Реал Мадрид" эса 4 очколик фарқ билан ортда қолмоқда.