Сервер Жепаров Ўзбекистон жаҳон чемпионатида гуруҳдан чиқа олишини айтди
Жамоа гуруҳда Колумбия, Португалия каби кучли термалар билан тўқнаш келади.
Ўзбекистон терма жамоасининг энг кўп ўйин ўтказиш бўйича рекордчиси Сервер Жепаров ЖЧ-2026 ҳақида гапирди.
Жепаров миллий терма жамоа 2026 йилги Жаҳон чемпионатида гуруҳ босқичидан плей-оффга чиқа олишига ишонади.
Унинг айтишича, бу Ўзбекистоннинг бўлажак турнирдаги ўйинлари учун унинг башорати. Бироқ, Жепаровнинг таъкидлашича, кўплаб жамоалар тезкор, ҳужумкор футбол ўйнайдиган бўлгани учун келажакдаги Жаҳон чемпиони номини айтиш қийин.
У Франция, Испания ва Бразилияни турнирнинг асосий фаворитлари сифатида кўрсатди.
2026 йилги Жаҳон чемпионати 11 июндан 19 июлгача учта мамлакатда: АҚШ, Канада ва Мексикада бўлиб ўтади. Ўзбекистон Колумбия, Конго ДР, Португалия билан ўйнайди.
Ҳозирда Аргентина амалдаги чемпион бўлиб қолмоқда.
