"Эпштейн ороли"даги масжид кошинлари Ўзбекистондан келтирилган —ОАВ

The New York Times газетаси молиячи Жеффри Эпштейннинг фаолияти ва унинг Яқин Шарқдаги алоқалари ҳақида янги тафсилотларни эълон қилди.

Нашрнинг ёзишича, Эпштейн ўзининг шахсий оролидаги бинони безаш учун ноёб исломий артефактларни сотиб олган. Хусусан, Қуръон оятлари туширилган матолар Исломдаги энг муқаддас жойлардан бири бўлган Каъбадан олиб келинган деб тахмин қилинмоқда.

Бинонинг кошинлари Ўзбекистондаги масжиддан олинган ва зарҳал гумбаз қадимги Сурия меъморчилиги услубида безатилган.

Таъкидланишича, Эпштейн кўп йиллар давомида Яқин Шарқда алоқаларни ривожлантириб, ҳам бизнес битимларини излаб, ҳам нуфузли алоқалар тармоғини кенгайтирган.

Хусусан, ушбу алоқалар орқали у Саудия Арабистони валиаҳд шаҳзодаси Муҳаммад бин Салмон билан учрашувга эришган.

АҚШ Адлия вазирлиги томонидан эълон қилинган материалларга кўра, миллионлаб саҳифали ҳужжатлар оролдаги сирли бинонинг мақсадига ойдинлик киритди. У илгари мусиқа зали, павилон, ибодатхона ва ҳатто оккултизм ибодатхонаси сифатида таърифланган.

Бироқ, Эпстеиннинг шериклар билан ёзишмалари, шунингдек, лойиҳа иштирокчиларининг кўрсатмалари унинг ўзи бу иншоотни "масжид" деб билганлигини кўрсатади.