Қирғизистон собиқ президентининг укаси Ўзбекистонда вафот этди
Ахмат Бакиев бир нечта шов-шувли жиноий ишларда судланувчи сифатида танилган. 2011 йил август ойида суд уни оммавий тартибсизликларни уюштириш, этник нафратни қўзғатиш, товламачилик ва фирибгарликда айбдор деб топиб, етти йилга қаттиқ тартибли колонияга ҳукм қилганди.
Қирғизистоннинг собиқ президенти Курманбек Бакиевнинг укаси Аҳмат Бакиев 66 ёшида вафот этди.
Дастлабки маълумотларга кўра, у узоқ давом этган касалликдан сўнг 13 апрель куни вафот этган. У сўнгги йилларда Ўзбекистонда яшаб келган.
Ахмат Бакиев бир нечта шов-шувли жиноий ишларда судланувчи сифатида танилган. 2011 йил август ойида суд уни оммавий тартибсизликларни уюштириш, этник нафратни қўзғатиш, товламачилик ва фирибгарликда айбдор деб топиб, етти йилга қаттиқ тартибли қамоққа ҳукм қилди.
Бироқ, 2012 йил март ойида соғлиғи ёмонлашгани сабабли қамоқхонадан шифохонага ўтказилгандан сўнг, у қочиб кетди ва Қирғизистон ҳуқуқни муҳофаза қилиш органлари томонидан қидирувга берилди.
Ҳозирда ўлим сабаби ёки дафн этилган жой ҳақида расмий тасдиқ йўқ. Норасмий маълумотларга кўра, унинг дафн маросими Манас шаҳрида бўлиб ўтиши мумкин.
