Камбағаллик ва бандлик даражаси аслида қай аҳволда?
Platina.uz мазкур масалада Камбағалликни қисқартириш ва бандлик вазирлигининг аҳоли бандлиги департаменти бошлиғи Собир Ҳайитмуротов билан суҳбатлашди.
Ўзбекистонда аҳоли бандлигини таъминлаш, камбағалликни қисқартириш ва даромадлар барқарорлигини ошириш бугунги кунда давлат сиёсатининг устувор йўналишларидан бирига айланган. Сўнгги йилларда ушбу соҳада кенг кўламли ислоҳотлар амалга оширилиб, янги иш ўринлари яратиш, меҳнат бозорини мувозанатлаштириш ва аҳолининг иқтисодий фаоллигини оширишга қаратилган тизимли чора-тадбирлар изчил давом эттирилмоқда.
Шу билан бирга, жамиятда иш ўринлари сифати, уларнинг барқарорлиги ва аҳолининг реал эҳтиёжларига мослиги ҳақида турли фикр ва мулоҳазалар ҳам мавжуд. Айрим ҳолларда яратилаётган иш ўринлари самарадорлиги ёки уларнинг аҳоли даромадларига таъсири юзасидан саволлар кўтарилмоқда.
Мазкур масалаларга ойдинлик киритиш, амалга оширилаётган ислоҳотларнинг мазмун-моҳияти ва натижадорлигини кенг жамоатчиликка етказиш мақсадида Камбағалликни қисқартириш ва бандлик вазирлигининг аҳоли бандлиги департаменти бошлиғи Собир Ҳайитмуротов билан суҳбат ташкил этилди. Ушбу интервюда меҳнат бозоридаги бугунги тенденциялар, иш ўринлари яратиш бўйича амалий ёндашувлар, шунингдек, аҳолини муносиб даромад манбалари билан таъминлаш борасидаги муҳим жиҳатлар атрофлича муҳокама қилинади.
