Шавкат Мирзиёев Қозоғистонга бориши кутилади
Остонада Орол денгизини қутқариш халқаро жамғармаси Давлат раҳбарлари кенгашининг йиғилиши бўлиб ўтади.
Шавкат Мирзиёев 22 апрелда Қозоғистонга боради.
Қозоғистон оммавий ахборот воситаларининг хабар беришича, 22 апрел куни Марказий Осиё мамлакатлари раҳбарлари Остонага ташриф буюришади.
"Орол денгизини қутқариш халқаро жамғармаси Давлат раҳбарлари кенгашининг йиғилиши Қозоғистон пойтахтида бўлиб ўтади", дейилади хабарда.
Жамғарма таркибига Қозоғистон, Қирғизистон, Тожикистон, Туркманистон ва Ўзбекистон киради.
Давлат раҳбарларининг йиғилиши камида уч йилда бир марта ўтказилади. Йиғилиш охирги марта 2023 йилда Душанбеда бўлиб ўтган, ўшанда Қозоғистон президенти уч йиллик муддатга жамғарма раҳбари этиб сайланган эди.
