Тошкентда 13 фуқаронинг ер-мулкка эгалик ҳуқуқи эътироф этилди

Тошкентда 13 нафар фуқаронинг ҳуқуқлари эътироф этилди. Бу ҳақда Тошкент шаҳар кадастр бошқармаси хабар берди.

“Ўзбошимчалик билан эгалланган ер участкалари ҳамда уларда қурилган бино ва иншоотларга бўлган ҳуқуқларни эътироф этиш тўғрисида”ги Ўзбекистон Республикасининг 937-сонли Қонунига асосан Тошкент шаҳрида олиб борилаётган хатлов ишлари ўзининг ижобий самарасини бериб келмоқда.

Халқ депутатлари Тошкент шаҳар кенгашининг 21-сессиясида пойтахтимиздаги 13 нафар фуқаронинг ўзбошимчалик билан эгаллаб олинган ер участкаларига ҳамда уларда қурилган уй-жойларига бўлган ҳуқуқлари эътироф этилди.

Булар:

- Чилонзор, Шайхонтоҳур ва Яккасарой туманларида 3 нафар,

- Юнусобод туманида 2 нафар,

- Сергели ва Янгиҳаёт туманларида 1 нафарни ташкил этди.