Таълимни ривожлантириш республика маркази директори алмашди
Аввал бу лавозимда ишлаган Юлия Рисюкова ПА раҳбарининг таълимни ислоҳ қилиш бўйича ўринбосари бўлинмасининг лойиҳа координатори лавозимига тайинланди.
Ўзбекистон Президенти Администрацияси раҳбарининг фармойиши билан Юлия Василевна Рисюкова Администрация раҳбарининг таълимни ислоҳ қилиш бўйича ўринбосари бўлинмасининг лойиҳа координатори лавозимига тайинланди.
Шу муносабат билан у Таълимни ривожлантириш республика илмий-методик маркази директори лавозимидан озод этилди.
Президент Администрацияси раҳбарининг фармойиши билан Шахзодбек Каримович Курбаниязов Таълимни ривожлантириш республика илмий-методик маркази директори лавозимига тайинланди.
Аввалроқ Ҳилола Умарова бошқа ишга ўтиши сабаб ПА раҳбари ўринбосари лавозимидан озод этилганди.
Илҳом Сираджев Президент Администрацияси раҳбарининг таълимни ислоҳ қилиш бўйича ўринбосари лавозимига тайинланди.
