Трамп ўзини диктатор деб атади

АҚШ президенти Доналд Трамп ўзини диктатор деб атади.

Унинг айтишича, баъзан ҳокимиятда бундай одамлар керак бўлади. Трамп бу баёнотни Давосдаги Жаҳон иқтисодий форумидаги нутқидан кейин бизнес етакчилари билан учрашувда айтди.

Президент бу баёнотни иқтисодий форумдаги нутқини муҳокама қилиш пайтида айтди. “Бу яхши нутқ эди. Биз ажойиб шарҳлар олдик. Ишонолмайман. Биз яхши шарҳлар олдик ва одатда бундай нутқ ҳақида гапирганда, улар: “У даҳшатли диктатор”, дейишади. Мен диктаторман. Лекин баъзида сизга диктатор керак. Улар бу ҳолатда бундай дейишмаган. Ва йўқ, бу оддий фикр”, деди Америка президенти (унинг нутқининг видеоси Оқ уйнинг Youtube каналида эълон қилинган).

Иккинчи президентлик муддатининг биринчи кунида, ўтган йилнинг 21 январида Доналд Трамп бу тавсифни рад этганди.

“Менга шундай деб аташларини тасаввур ҳам қила олмайман”, деганди у ўшанда.

2025 йил декабр ойида Доналд Трампнинг рейтинги 39% га тушиб, иккинчи муддатининг энг паст даражасига яқинлашди. Reuters/Ipsos сўровига кўра, пасайиш сайловчиларнинг иқтисодий сиёсатдан кўнгли қолгани билан боғлиқ. 2025 йил январь ойида инаугурациядан сўнг, унинг рейтинги 47% ни ташкил этди.

Трамп шунингдек, Гренландия ҳақида ҳам гапирди.

Унинг айтишича, Қўшма Штатлар Гренландияга табиий ресурсларга кириш учун эмас, балки хавфсизлик учун керак.

Дания Гренландияни сақлаб қолиш учун жуда кичик мамлакат.