Шавкат Мирзиёев Швейцарияга учиб кетди
Давос шаҳрида Тинчлик кенгаши низомини имзолаш маросими бўлиб ўтади.
Президент Шавкат Мирзиёев АҚШ Президенти Доналд Трампнинг таклифига биноан 21 январ куни Давос шаҳрида Тинчлик кенгаши низомини имзолаш маросимида иштирок этиш учун амалий ташриф билан Швейцарияга жўнаб кетди.
Шавкат Мирзиёев АҚШ президентига йўллаган мактубида ушбу ташаббус Яқин Шарқдаги кўп йиллик можароларни ҳал этиш, кенг минтақада тинчлик ва барқарорликни таъминлаш йўлидаги муҳим қадам сифатида баҳоланаётганини таъкидлаганди.
Аввалроқ Ўзбекистон раҳбари кенгашга таъсисчи давлат сифатида қўшилиш таклифини қабул қилган эди.