Испанияда уч кунлик мотам эълон қилинди
Кордова провинциясида поезд ҳалокати сабаб салкам 40 киши қурбон бўлди. Ҳолат бўйича тергов шахсан бош вазир назоратига олинган.
Испания расмийлари йирик поезд ҳалокатидан сўнг уч кунлик миллий мотам эълон қилди. Бош вазир Педро Санчес терговда максимал шаффофликни ваъда қилди.
Бош вазирнинг фармонига кўра, мотам 20 январ куни ярим тунда бошланади ва 23 январгача давом этади. Ушбу даврда барча ҳукумат биноларида давлат байроқлари ярим туширилади ва кўнгилочар тадбирлар чекланади.
Педро Санчес ҳукумат фожианинг асл сабабларини аниқлаш ва ҳар қандай тахминларни бартараф этиш учун фуқароларни терговнинг ҳар бир босқичи ҳақида тезкор ва очиқ хабардор қилиш ниятида эканлигини таъкидлади.
Фалокат Кордова провинциясида поезднинг релсдан чиқиб кетиши натижасида содир бўлди.
Сўнгги хабарларга кўра, 39 киши ҳалок бўлди. Яна ўнлаб йўловчилар турли даражадаги жароҳатлар олди ва минтақадаги яқин атрофдаги шифохоналарга ётқизилди.
Ҳозирда ҳалокат жойида ҳалокатни бартараф этиш ишлари давом этмоқда. Терговга ёрдам бериш учун ҳуқуқни муҳофаза қилиш органлари ва Транспорт вазирлигининг эксперт гуруҳлари жалб қилинди. Вазият Бош вазирнинг шахсий назорати остида.