Хаби Алонсо "Реал" мураббийлигидан истеъфога чиқди
Томонлар амалдаги шартномани ўзаро келишув асосида бекор қилишга қарор қилишган. Бир кун аввал жамоа азалий рақибига қарши баҳсда ютқазганди.
"Реал" клуби мураббий Хаби Алонсо истеъфога чиқди.
Мадрид клуби эълон қилган баёнотга кўра, томонлар амалдаги шартномани ўзаро келишув асосида бекор қилишга қарор қилишган.
Эслатиб ўтамиз, кеча "Реал" Испания Суперкубоги финалида "Барселона"га 2:3 ҳисобида имкониятни бой берди.
Ла Лигада эса мадридликлар 19 турдан сўнг 45 очко жамғарган ҳолда 2-ўринда боришмоқда ва пешқадам "Барса"дан 4 очкога ортда қолишяпти.
Хаби Алонсо 2025 йилнинг ёзида Карло Анчелотти ўрнига "Реал" бошқарувига келган ва клуб билан 2028 йилнинг 30 июнига қадар шартнома имзолаганди. Истеъфо сабаблари ҳозирча ошкор қилинмаган.
Сўнгги хабарларга кўра, жамоанинг собиқ ҳимоячиси ва шу вақтгача "Кастиля" жамоасини бошқариб келаётган Альваро Арбелоа "Реал" бошқарувини ўз қўлига олган.