2021 йилга қадар гувоҳнома олганлар қайтадан имтиҳон топширмайди
Йўл ҳаракати хавфсизлиги хизмати ижтимоий тармоқлардаги хабар бўйича огоҳлантирди.
2021 йилга қадар гувоҳнома олганлар қайтадан имтиҳон топширмайди. Бу ҳақда Йўл ҳаракати хавфсизлиги хизмати хабар берди.
Ижтимоий тармоқларда тарқалган “2021 йилга қадар миллий ҳайдовчилик гувоҳномасини олган ҳайдовчилар янги имтиҳон марказларида график асосида мажбурий тартибда, бепул қайта имтиҳондан ўтказилиши” ҳақидаги хабарлар юзасидан иизоҳ берилди.
"Ушбу хабарлар ҳақиқатга тўғри келмайди ва ҳеч қандай ҳуқуқий асосларга эга эмаслигини маълум қиламиз.
Ижтимоий тармоқ фойдаланувчиларидан бу каби ёлғон хабарларни тарқатиб, фуқароларни чалғитмасликларини сўраб қоламиз", дейилади Йўл ҳаракати хавфсизлиги хабарида.
Хизмат МЖтК нинг 2022 - моддаси. Ёлғон ахборот тарқатиш ҳақида эслатган.
Жамоат тартибига ёки хавфсизлигига таҳдид солувчи ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, — базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлади.