Трамп Венесуэла раҳбариятига Хитой, Россия, Эрон ва Куба билан иқтисодий алоқаларни узишни буюрди
Ўз ўрнида Америка компанияларига устувор аҳамият берилган ҳолда, Қўшма Штатлар билан эксклюзив ҳамкорлик талаб этилган.
Трамп маъмурияти Венесуэла раҳбариятига Хитой, Россия, Эрон ва Куба билан иқтисодий алоқаларни бутунлай узишни буюрди.
Шунингдек, Америка компанияларига оғир нефт сотишга устувор аҳамият берилган ҳолда, Қўшма Штатлар билан эксклюзив ҳамкорликни талаб қилинди, деб хабар берди ABC News.
Сенатор Рожер Викернинг сўзларига кўра, АҚШ режаси ҳозирда тўла бўлган Венесуэла нефть танкерларини назорат қилишга асосланган. Унинг таъкидлашича, агар экспорт қайта тикланмаса, Каракаснинг молиявий инқирозга учрашига бир неча ҳафта қолган.
"Биз у ерга қўшинларни жойлаштириш ҳақида гапирмаяпмиз... Бу шунчаки бизнинг режаларимизда йўқ", деди у. У стратегияни денгиз блокадаси ва иқтисодий босим деб таърифлади.
Президент Трамп аллақачон Венесуэланинг вақтинчалик ҳокимияти АҚШга сотиш учун 30 миллион баррелдан 50 миллион баррелгача нефт ўтказишини, тушган маблағ эса "Венесуэла ва Қўшма Штатлар халқи манфаати учун" Вашингтон томонидан назорат қилинишини эълон қилган.
Аввалроқ Венесуэланинг ўғирлаб кетилган раҳбари Николас Мадуро АҚШ судида айбловларни инкор этганди.
Айбдор деб топилган тақдирда ҳокимиятдан ағдарилган Венесуэла етакчиси бир неча ўн йиллик қамоқ жазосига ҳукм этилиши мумкин.