Трамп ўттизга яқин элчиларни хориждан чақириб олади
Бу қайси давлатлардаги дипломатларга тегишли экани айтилмаган. Элчилар Байден даврида лавозимга тайинланган.
Трамп 30га яқин давлатдан элчиларни чақириб олади.
Associated Press (АП) агентлигининг хабар беришича, АҚШ президенти маъмурияти мамлакатнинг дипломатик стратегиясини ўзгартириш учун камида 29 нафар элчини чақириб олмоқда.
Агентлик манбасининг аниқлик киритишича, дипломатларнинг ваколат муддати 2026 йил январ ойида тугайди.
Дипломатик миссиялар ўтган ҳафта кадрлардаги ўзгаришлар ҳақида хабардор қилинган. AP агентлигининг аниқлик киритишича, барча кетаётган элчилар собиқ президент Жо Байден даврида лавозимларни эгаллаган. АҚШнинг янги дипломатик стратегиясида Доналд Трампнинг "Америка биринчи ўринда" устуворликларини тўлиқ қўллаб-қувватлайдиган ходимларни ёллаш кўзда тутилган.
Агентликка кўра, элчилар дипломатик лавозимларини йўқотмайдилар, балки "агар хоҳласалар, бошқа топшириқларни бажариш учун Вашингтонга қайтишади".
Давлат департаменти элчи "президентнинг шахсий вакили ва президент бу мамлакатларда "Америка биринчи ўринда" кун тартибини илгари сурадиган шахсларнинг борлигини таъминлаш ваколатига эга".
Эслатиб ўтамиз, Трамп аввалроқ ўнлаб мамлакатлар фуқароларига виза беришни тўхтатганди. Шунингдек, грин-карта дастуриям тўхтатилди.