Тимур Кападзе Ўзбекистон терма жамоасидан кетди
У фаолиятини бош мураббий сифатида давом эттириш ниятида эканини билдирган.
Тимур Кападзе Ўзбекистон термасидан кетди. Бу ҳақда ЎФА хабар берди.
Айтилишича, Ўзбекистон миллий терма жамоаси ёрдамчи мураббийи Тимур Кападзе ўз фаолиятини янги босқичда давом эттириш истагини билдирган ҳолда, Ўзбекистон футбол ассоциацияси раҳбариятига лавозимидан озод этилиш тўғрисида мурожаат қилган.
Мутахассисга бошқа таклиф тушгани ҳамда у ўз мураббийлик фаолиятини бош мураббий сифатида давом эттириш ниятида эканини билдирган.
"ЎФА раҳбарияти унинг қарорини ҳурмат билан қабул қилди.
Ўзбекистон футбол ассоциацияси Тимур Кападзенинг ўзбек футболи ривожига қўшган ҳиссаси учун самимий миннатдорлик билдиради ва унинг мураббийлик фаолиятида улкан муваффақиятлар тилайди", дейилади хабарда.
Эслатиб ўтамиз, июн ойида Тимур Кападзе қўл остида БААга қарши ўйинда Ўзбекистон ЖЧ йўлланмасини қўлга киритганди.