ЎФА Рўзиқул Бердиевнинг сўзлари бўйича суриштирув ўтказади
Мураббийнинг “Нефтчи” чемпион бўлиши ортида турган кишилар" бўйича сўзлари муҳокамага сабаб бўлди.
ЎФА "Насаф" клуби бош мураббийи Рўзиқул Бердиевнинг матбуот анжуманидаги иштироки юзасидан суриштирув ўтказади.
2025 йил 26 октябр куни ўтказилган ОКМК ҳамда "Насаф" клублари ўйинидан сўнг бўлиб ўтган матбуот анжуманида Рўзиқул Бердиевнинг билдирган фикрлари футбол жамоатчилиги орасида кенг муҳокамаларга сабаб бўлди.
"Ким чемпион бўлишини мавсум охири кўрсатади. Лекин кўпчилик “Нефтчи”га кўпроқ баҳо беряпти. Биз қараб турмаймиз, биз яқинмиз. Биз анчадан бери мағлубиятсиз келяпмиз. Чемпионликка лойиқмиз. Шу суръатда бор кучимиз билан ҳаракат қиламиз.
“Нефтчи”нинг қанчалик ҳаракат қилаётганини сиз ОАВ ходимлари ҳам яхши билиб турибсизлар. Менимча, “Нефтчи” буни амалга оширса, ортдаги инсонлар кўпроқ қаҳрамон бўлади, шекилли. Агар “Нефтчи” чемпион бўлса, қаҳрамонликни майдондан изламанглар. Бу мени фикрим", деганди Бердиев.
Ўзбекистон футбол ассоциацияси мазкур ҳолат юзасидан ўрганиш ва суриштирувларни ўтказиши ҳамда унга ҳуқуқий баҳо беришини билдирган.