Путин Ўзбекистон бош прокурорини мукофотлади
Ниғматилла Йўлдошевдан ташқари Тожикистон Хавфсизлик кенгаши котиби Юсуф Раҳмон ва Каракас мэри Кармен Тереза Мелендес Ривас ҳам тақдирланди.
Россия президенти Владимир Путин Ўзбекистон бош прокурори Ниғматилла Йўлдошевни “Дўстлик” ордени билан тақдирлади.
Бу ҳақда Россия президентининг тегишли фармони эълон қилинди.
Худди шу фармон билан Путин Тожикистоннинг собиқ бош прокурори, республика Хавфсизлик кенгаши котиби Юсуф Раҳмон ва Венесуэла пойтахти Каракас мэри Кармен Тереза Мелендес Ривасни ҳам “Дўстлик” ордени билан тақдирлади.
Улар “хорижда рус тили ва маданиятини сақлаш ва оммалаштиришга қўшган катта ҳиссаси учун" мукофотланган.