Эркинжон Турдимовнинг укаси раҳбарлик лавозимига тайинланди
У Бош прокуратура ҳузуридаги Иқтисодий жиноятларга қарши курашиш департаментининг Тошкент вилояти бошқармасига раҳбарлик қилади.
Сирдарё вилояти ҳокими Эркинжон Турдимовнинг укаси раҳбарлик лавозимига тайинланди.
Турдимов Шавкатжон Оқбўтаевич – Бош прокуратураси ҳузуридаги Иқтисодий жиноятларга қарши курашиш департаментининг Тошкент вилояти бошқармаси бошлиғи лавозимига тайинланди.
Шавкат Турдимов 1980 йилда Самарқанд вилоятида туғилган. Маълумоти — олий, 2006 йилда Тошкент молия институтини тамомлаган.
Тайинловга қадар Бош прокуратураси ҳузуридаги Иқтисодий жиноятларга қарши курашиш департаментининг Тошкент вилояти бошқармаси бошлиғининг ўринбосари лавозимида фаолият юритган.