BYD'нинг Буюк Британиядаги савдоси 880 фоизга ошди

Хитойнинг электромобил ишлаб чиқарувчи гиганти BYD'нинг Буюк Британиядаги савдоси 880 фоизга ошди.

Хитойнинг йирик автомобил ишлаб чиқарувчиси компаниясининг маълум қилишича, Буюк Британия Хитойдан ташқаридаги энг катта бозори бўлиб қолган. Бу ерда компания савдоси ўтган йилнинг сентябрига нисбатан 880% га ошган.

Сабаби BYD ғарбдаги кўплаб рақибларига қараганда арзонроқ моделларни таклиф этади. Маълумотларга қараганда сентябр ойида BYDʼнинг Буюк Британия бозоридаги улуши 3,6% га ошганини маълум қилди.

Компаниянинг маълум қилишича, у ўтган ой Буюк Британияда 11 271 та автомобил сотган, уларнинг аксарияти Seal U спорт йўл-транспорт воситасининг гибрид тури бўлган.

Буюк Британия BYD каби компаниялар учун айниқса жозибали бозор, чунки бу мамлакат Европа Иттифоқи ва АҚШдан фарқли ўлароқ, хитойлик электромобилларга бож тариф қўлламаган.

BYDʼнинг Буюк Британиядаги менежери Боно Ге компания келгусида янги турдаги гибрид ва электромобилларни ишлаб чиқаришини маълум қилди.

"Компаниянинг Буюк Британиядаги келажаги порлоқ ва биз яқиндагина Буюк Британиядаги 100-автосалонимизни очдик" дея қўшимча қилди у.

CMMT маълумотларига кўра, ўтган ой Буюк Британияда электромобиллар савдоси рекорд даражага етган — тўлиқ батареяда ишлайдиган электромобиллар савдоси деярли 73 мингтагача ошган. Шунингдек, гибрид автомобиллар савдоси эса бундан ҳам тезроқ ўсганини маълум қилди.

Хитойдаги савдолар секинлашаётганига қарамай, BYD ҳали ҳам америкалик рақиби Тесладан жаҳонда анча олдинда турибди.

Шунингдек, унинг савдо ҳажми Европадаги рақиблари, жумладан Jaguar ва BMWʼдан ҳам тезроқ ошгани кўрсатилган.