Трамп Россияга кескин чоралар кўриш шартини айтди
НАТОнинг барча давлатлари Россия нефтини сотиб олишдан воз кечиши керак, дейди у.
АҚШ президенти Доналд Трамп қандай ҳолатда Россияга жиддий санкциялар киритиши мумкинлигини айтди.
Агар НАТОнинг барча давлатлари Россия нефтидан воз кечса, Вашингтон Россияга қарши жиддий санкциялар жорий этади.
“НАТОнинг барча давлатлари бундай қадамларга рози бўлиб, худди шундай йўл тутса, Россиядан нефть сотиб олишни тўхтатганда, мен Россияга қарши йирик санкцияларга тайёрман”, — деб ёзди у Truth Social ижтимоий тармоғида.
АҚШ президентининг фикрича, Россиядан нефт сотиб олиш алянснинг русларга нисбатан музокаралардаги позициясини заифлаштиради.
Бундан ташқари, Трамп Хитой импортига юқори божлар ҳам Украинадаги инқирозни ҳал қилишга ёрдам беришига ишонтирди.
“Россия ва Украина ўртасидаги уруш тугагандан сўнг бутунлай бекор қилинадиган тарифлар ва бутун НАТО учун Хитойга нисбатан 50-100% тарифларни жорий этиш билан қадамлар бу ҳалокатли, аммо бемаъни урушни тугатишга катта ёрдам беради, деб ҳисоблайман”, деди АҚШ президенти.
Трамп ва Россия
Трамп ҳокимиятга келганидан буён Россия билан келишишга уринди, ҳатто 15 августда Путин билан учрашди.
Аммо музокаралар реал натижа келтирмади. Трамп шунда ҳам Москвага нисбатан чекловлар киритишга шошмаяпти. Унинг "50 кунлик муҳлати" ҳам амалга ошмади.