Ҳоким ёрдамчилари жами 40 млрд сўмлик кредитни талон-торож қилди

Фарғонада 2024 йилда 10 нафар ва жорий йилнинг ўтган даврида 16 нафар ҳоким ёрдамчиси жами 40 млрд сўмлик кредит маблағларини талон-торож қилган. Аниқланган ҳолатлар юзасидан жиноят ишлари қўзғатилган.

Ўтказилган назорат тадбирлари давомида Фарғона шаҳрида фаолият юритувчи ҳоким ёрдамчилари 1666 та ҳолатда 37 млрд сўм имтиёзли кредит маблағларини мақсадсиз сарфлаб, талон-торож қилган.

Мисол учун, Қиргули маҳалласидаги ҳоким ёрдамчиси Т. Қува туманида яшовчи 3 нафар фуқаро номига 33 млн сўмдан уларнинг хабарисиз кредит расмийлаштириб, талон-торож қилган.

Маълумот ўрнида, Президентнинг 2021 йилдаги ПҚ-55-сонли қарорида ҳоким ёрдамчилари ўзига бириктирилган маҳаллаларда дастурлар доирасида ажратилган кредитлардан мақсадли фойдаланиши ва уларнинг самарадорлигини мониторинг қилиб бориш чораларини кўриши белгиланган.