Суғурта компаниялари ярим йилда қанча фойда кўрди? Таҳлил
Apex Insurance (125,8 млрд сўм), “Ўзбекинвест” (29,4 млрд сўм) ҳамда Euroasia Insurance (26 млрд сўм) юқори даромад кўрди, бир нечта компаниялар эса даврни зарар билан якунлади.
2025 йил дастлабки олти ойи якуни бўйича бир қатор суғурта компаниялари ижобий молиявий кўрсаткичларни қайд этган бўлса, уларнинг айримлари чоракни зарар билан якунлади. Бу ҳақда Pinkod хабар бермоқда.
Очиқ маълумотлар асосида суғурта компаниялари жорий йил биринчи ярим йиллигида қанча соф фойда олганини ўрганиб чиқилди.
10 млрд сўмдан кўп фойда олганлар:
| Компания | Соф фойда | Ўсиш фоизи |
| Apex Insurance | 125,8 млрд сўм | -28,8% |
| “Ўзбекинвест” | 29,4 млрд сўм | +20,7% |
| Euroasia Insurance | 26 млрд сўм | +240,6% |
| Mosaic Insurance Group | 19,1 млрд сўм | +13% |
| Alskom Sug'urta | 13,5 млрд сўм | +12 056% |
| “Ҳамкор Суғурта” | 12,5 млрд сўм | +3,1% |
| SQB insurance | 12,4 млрд сўм | +8,1% |
| “Кафолат суғурта” | 12 млрд сўм | -76,3% |
| My Insurance | 10,8 млрд сўм | -76,3% |
Энг юқори даромад қайд этган компаниялар қаторида Apex Insurance (125,8 млрд сўм), “Ўзбекинвест” (29,4 млрд сўм) ҳамда Euroasia Insurance (26 млрд сўм) бор.
Apex Insurance соф фойда ҳажми бўйича бозорда етакчиликни сақлаб қолган. Бироқ, мазкур кўрсаткич ўтган йилнинг мос даврига нисбатан 28,8 фоизга камайган. Шунга қарамай, компания суғурта бозоридаги энг йирик иштирокчи бўлиб қолмоқда.
5 млрддан 10 млрд сўмгача фойда қилганлар:
| Компания | Соф фойда | Ўсиш фоизи |
| “Кафил Суғурта” | 9,2 млрд сўм | +231,5% |
| Gross суғурта | 7 млрд сўм | -9% |
| Ingo-Uzbekistan Sug'urta | 6,3 млрд сўм | +134,7% |
| “Халқ Суғурта” | 6,1 млрд сўм | +67,7% |
| “Имкон-Суғурта” | 5,7 млрд сўм | -69,9% |
Бу тоифада “Кафил Суғурта” (+231,5%) ва Ingo-Uzbekistan Sug‘urta (+134,7%) сезиларли ўсиш қайд этди. Улар мос равишда 9,2 млрд ва 6,3 млрд сўм соф фойда олган.
Шу билан бирга, Gross суғурта (–9%) ва “Имкон-Суғурта” (–69,9%) соф фойдаси камайди.
1 млрддан 5 млрд сўмгача фойда олганлар:
| Компания | Соф фойда | Ўсиш фоизи |
| Impex-insurance | 4 млрд сўм | +17,470% |
| Infinity Insurance | 3,7 млрд сўм | +322% |
| Global Insurance Group | 3,6 млрд сўм | +1 775% |
| “Ўзагросуғурта” | 3,5 млрд сўм | +158,4% |
| “Капитал Суғурта” | 2,5 млрд сўм | +150,1% |
| Aria Sug‘urta | 2,2 млрд сўм | -7,9% |
| Alfa Life Insurance | 1,7 млрд сўм | +410,3% |
| “Ўзбекинвест ҳаёт суғурта” | 1,7 млрд сўм | +147% |
| TBC суғурта | 1,2 млрд сўм | * |
Бу гуруҳда энг юқори ўсишни Impex-insurance (4 млрд сўм, +17 470%) ва Global Insurance Group (3,6 млрд сўм, +1 775%) қайд этди.
Ундан ташқари, жорий йил март ойида лицензия олган TBC суғурта 1,2 млрд сўм соф фойда олганини ҳам таъкидлаб ўтиш керак.
100 млндан 1 млрд сўмгача фойда қилганлар:
| Компания | Соф фойда | Ўсиш фоизи |
| “Альфа инвест суғурта” | 794,2 млн сўм | -88,8% |
| Kafolat Hayot Insurance | 654,3 млн сўм | +96,3% |
| “Темирйўл суғурта” | 631,1 млн сўм | -79,2% |
| INSON | 600,1 млн сўм | +111,4% |
| IShONCh суғурта компанияси | 587,9 млн сўм | +94% |
| Neo Insurance Corp | 479,1 млн сўм | +127,7% |
| Trust Insurance | 452,7 млн сўм | +267,6% |
| Semurg Insurance | 318,9 млн сўм | -78,3% |
| Apex Life Insurance | 111,2 млн сўм | -91,6% |
Зарар билан якунлаганлар:
| Компания | Соф фойда | Ўсиш фоизи |
| Asia Insurance | –10,4 млрд сўм | -233,9% |
| Фаровон суғурта | –584,9 млн сўм | -408,8% |
| Euroasia Life Insurance | –150,3 млн сўм | зарар 82,6% га қисқарган |
| “Агрос ҳаёт суғурта” | –45,3 млн сўм | зарар 99,6% га қисқарган |
Бошқа томондан, бир қанча суғурта компаниялари молиявий жиҳатдан чоракни салбий натижалар билан якунлади. Жумладан, Asia Insurance’нинг зарари ўтган йилнинг мос даврига нисбатан 234 фоизга кўпайиб, 10,4 млрд сўмни ташкил этди. Шунингдек, “Фаровон суғурта” компаниясининг ҳам зарари ўтган йилга қараганда кўпайиб, 584,9 млн сўмга етди.
Шу билан бирга, Euroasia Life Insurance ва Агрос ҳаёт суғурта компаниялари ярим йилликни зарар билан якунлаган бўлса-да, уларнинг зарари ўтган йилнинг мос даврига нисбатан камайган.
Эслатиб ўтамиз, май ойида 2025 йилнинг дастлабки уч ойида энг кўп фойда кўрган суғурта компаниялари бўйича маълумот берилганди. Ўшанда “APEX Insurance” (34,5 млрд сўм), “Ўзбекинвест” (16,7 млрд сўм) ҳамда “Alskom суғурта” (13,1 млрд сўм) энг яхши фойда кўрганлар қаторида қайд этилганди.