Путин ва Трамп Аляскада учрашди: асосий маълумотлар
Учрашувда аниқ келишувга эришилмагани айтилмоқда. Путин Россия урушни тугатишдан манфаатдор экани ҳақида гапирган.
15 август куни Россия президенти Владимир Путин ва АҚШ етакчиси Доналд Трамп Аляска штатидаги Анкориж шаҳрида учрашди. Учрашувнинг асосий масаласи Украина уруши бўлиши кутилган.
Икки давлат раҳбарлари деярли бир вақтда самолётдан тушишди. Доналд Трамп Россия Федерацияси раҳбарини қизил гиламда кутиб олди.
Президентлар қўл сиқишди. Қисқа суҳбат ва қўшма фотосессиядан сўнг улар бир машинага ўтиришган.
Шундан сўнг давлат раҳбарлари журналистларсиз тор доирада музокаралар ўтказди.
"Украина бўйича ҳали келишув йўқ" - Путин ва Трампнинг музокаралардан кейинги асосий баёнотлари
Ёпиқ ўтган музокаралардан кейин ҳар иккала президент журналистларга баёнотлар беришди.
Владимир Путин:
– Музокаралар конструктив ва ўзаро ҳурмат руҳида ўтди.
- Россия ва АҚШ бир-биридан океан билан ажралиб туришига қарамай, яқин қўшнилардир.
- Россия ва Америка муносабатлари "совуқ уруш давридан бери энг паст даражага тушиб қолди. Шунинг учун учрашув муддати кечиктирилди".
- Украина халқи бизнинг қардош халқимиз.
- Россия “Украина можароси”га чек қўйишдан чин дилдан манфаатдор. Барча "инқирознинг асосий сабаблари" йўқ қилиниши керак.
- Умид қиламизки, “Киев келишувда юзага келаётган тараққиётга тўсқинлик қилмайди”.
- Россия ва Қўшма Штатлар технологиядан тортиб Арктикагача бўлган турли соҳаларда бир-бирига таклиф қиладиган нарсага эга.
— Украинадаги уруш Трамп даврида бошланмаган бўларди.
— Айрим келишувларга эришилди.
Доналд Трамп:
- Украина бўйича ҳеч қандай келишув йўқ.
— Трампнинг Путин билан муносабатлари яхши.
- Биз баъзи нарсаларда келишиб олдик, лекин бошқалар хусусида эмас.
"Энг муҳими, бизда тинчликка эришиш учун яхши имконият бор."
— Ҳар ҳафта минглаб одамлар ҳалок бўлмоқда, Путин бу урушни тугатмоқчи.
"Мен НАТОдаги иттифоқчиларимга ва Зеленскийга қўнғироқ қиламан".
Президентлар ушбу баёнотлар билан чекланиб, журналистларнинг саволларига жавоб бермай, матбуот анжуманини якунладилар.
Путин навбатдаги учрашувни Москвада ўтказишни таклиф қилди. Россия президентининг АҚШга амалий ташрифи беш соатдан ортиқ давом этди. Шундан сўнг, Путин Россияга қайтди.
Йил учрашуви
Трамп ва Путин учрашуви масаласи ўтган ҳафтада кўтарилган эди. Кўпчилик кутгани каби, унда Украина президенти Владимир Зеленский иштирок этмади.