"УзТест"да йирик ўғрилик содир бўлгани айтилмоқда
Бундан ташқари, 6 млрд сўм маблағ мақсадсиз сарфлаб юборилган.
Техник жиҳатдан тартибга солиш агентлигининг УзТест – "Ўзбекистон илмий синов ва сифат назорати маркази" давлат муассасасининг Бухоро вилояти ҳудудий филиалида 1 тонна 200 кг ва умумий нархи 150 млн сўм миқдорида бўлган "Тормозной стенд" синов ускунаси, 250 млн сўмлик газ баллонларни ўлчаш воситаси ўғирланган.
Бу ускуналар Германиядан олиб келинган эди. Шунингдек, "УзТест"да 6 млрд сўм маблағ мақсадсиз сарфлаб юборилган.
Агентлик раҳбарияти ҳозирча бу маълумотга муносабат билдиргани йўқ.
Эслатиб ўтиш керак, Autodeklarant лойиҳаси Пискент автополигонида электромобиллар қандай текширилиши ҳақида видеолавҳа эълон қилганди. Видеода ичкарида ҳеч нима текширилмаслиги, вақт ўтказиб чиқариб юборилиши акс этган.
Шунингдек, Техник жиҳатдан тартибга солиш агентлиги Leapmotor C16 автомобилида аниқланган “камчилик” сабабли автомобилларларни сертификатлаштириш органларига Leapmotor русумли машиналарни сертификатлаштириш юзасидан аризаларни қабул қилишни тўхтатиш тўғрисида хат юборганди.