"UzAuto Motors"га бош директор тайинланди
Венгриялик Янош Ковач General Motors, Opel, GM Powertrain Uzbekistan каби компанияларда ишлаган.
Янош Ковач "UzAuto Motors" АЖ Кузатув кенгаши қарорига мувофиқ, компаниянинг бош директори лавозимига тайинланди.
Венгрияда туғилган Янош Ковач Будапешт Техника Университетининг автомобилсозлик технологиялари бўйича муҳандислик мутахассислигини тамомлаган.
Ковач жаҳон автомобил саноатининг етакчи топ-менежерларидан бири сифатида General Motors, Opel, GM Powertrain Uzbekistan, UzAuto Peugeot Citroën Automotive va VinFast Automotive каби компанияларда муҳим раҳбарлик лавозимларида кўп йиллик тажрибага эга.
Ўз фаолияти давомида у сифатни бошқариш, ишлаб чиқариш жараёнларини оптималлаштириш ва автомобил заводлари бошқаруви бўйича масъул бўлган.
Ковач 2021 йилдан буён "UzAuto Motors" АЖ Кузатув кенгаши аъзоси ва аудит қўмитаси аъзоси сифатида фаолият юритиб келаётган эди. У бир неча кун аввал кенгашдан чиқарилганди.
Одилжон Бастамкулов шу пайтгача "UzAuto Motors"ни вақтинча бошқариб келаётганди.