Uzbekistan Airways болалар кунига чегирма эълон қилди
Чегирма катталар ҳамроҳлигида саёҳат қиладиган 2 ёшдан 12 ёшгача бўлган болалар учун амал қилади.
Uzbekistan Airways янги чегирма ҳақида эълон қилди.
1 июн – Халқаро болаларни ҳимоя қилиш куни муносабати билан, Uzbekistan Airways авиакомпанияси болалар учун авиачипталарга катталар тарифидан 50 фоизгача оширилган чегирма тақдим этди.
Одатда болалар учун чегирма 25 фоизни ташкил қилади, аммо фақат шу куни у икки баравар кўпаяди – барча йўналишлар ва барча мунтазам авиақатновлар учун.
Чегирма катталар ҳамроҳлигида саёҳат қилаётган 2 ёшдан 12 ёшгача бўлган болалар учун амал қилади.
Йўловчи ташиш тарифига қўшимча равишда турли солиқлар, йиғимлар ва қўшимча тўловлар белгиланади ва уларга чегирма қўлланилмайди.