Нуфузли халқаро олимпиадаларда ғолиб чиққанлар учун мукофот миқдори 5 баравар оширилди
Ушбу олимпиадаларда ютган ғолиб БҲМнинг 2500 баравари миқдорида пул олади.
Нуфузли халқаро фан олимпиадаларида ғолиб ва совриндор бўлганлар учун бир марталик пул мукофоти миқдори 5 карра оширилди. Бу ҳақда президент фармони қабул қилинган.
Унга кўра, нуфузли олимпиадада ютган ғолиб БҲМнинг 2500 баравари миқдорида пул олади. Ўқитувчиларга эса БҲМнинг 450 баравари миқдорида пул берилади. 2-ўринни олганларга 1500, 3-ўринни олганларга эса 1000 баравар миқдорида пул берилади.
Халқаро олимпиадада ғолибга БҲМнинг 150 баравари, оддий минтақавий олимпиадада эса 12 баравар миқдорида пул берилади.
Олимпиадалар нуфузи бўйича рўйхат Вазирлар Маҳкамаси томонидан тасдиқланади.