Туркияда 6,2 магнитудали зилзила рўй берди
Ўзбекистоннинг Истанбулдаги консулхонаси фуқароларни осойишталикка ва хавфсизлик чораларига риоя қилишга чақирди.
Истанбулда 6,2 магнитудали зилзила рўй берди.
Гувоҳлар Туркиядаги зилзила оқибатлари акс этган видеолавҳаларни чоп этишмоқда: кадрларда бино ичидаги деворларнинг чайқалаётганини кўриш мумкин, баланд шовқин эшитилади.
Туркия ички ишлар вазири Али Ерликая Мармара денгизида, Истанбул вилояти қирғоқларида 6,2 магнитудали зилзила содир бўлганини маълум қилди.
Республика Фавқулодда вазиятлар ва табиий офатлар департаменти яна силкинишлар бўлиши мумкинлигидан огоҳлантирди.
Мамлакат аҳолисига шикастланган биноларга кирмаслик ва хавфли объэктлар яқинида бўлмаслик тавсия қилинди.
Ҳозирда жабрланганлар ва қурбонлар ҳақида маълумотлар йўқ.
Ўзбекистоннинг Истанбулдаги консулхонаси фуқароларни осойишталикка ва хавфсизлик чораларига риоя қилишга чақирди.
