Шавкат Мирзиёев Рим папаси вафоти сабаб ҳамдардлик билдирди
Президент Рим-католик черкови камерленгоси кардинал Кевин Фарреллга ҳамдардлик изҳор этди.
Сиёсат
4 кун аввал, 18:01
Ўзбекистон Республикаси Президенти Шавкат Мирзиёев Рим Папаси Францискнинг вафоти муносабати билан Рим-католик черкови камерленгоси кардинал Кевин Фарреллга ҳамдардлик йўллади.
Давлат раҳбари ўз мактубида Руҳоний Ҳазратлари Ўзбекистон ва Ватикан ўртасидаги алоқаларни ривожлантириш, динлар ва конфессиялараро дўстликни мустаҳкамлаш, бутун жаҳонда муҳтож инсонларни қўллаб-қувватлаш, эзгу ғояларни кенг тарғиб этиш ишига муносиб ҳисса қўшганини таъкидлади, дейилади хабарда.
Президент Ватикан халқига, ер юзидаги бутун католик аҳлига чуқур таъзия ва ҳамдардлик туйғуларини изҳор этди.
Эслатиб ўтамиз, папа Франциск 88 ёшида вафот этди.
