Рим папаси Франциск вафот этди. Бу ҳақда Reuters Ватиканга асосланиб хабар берди.
У бу лавозимни 2013 йилда эгаллаган ва тарихда Америка қитъасидан биринчи папа бўлган - папа Аргентинада туғилган.
Эслатиб ўтамиз, 6 апрел куни папа узоқ давом этган хасталикдан сўнг биринчи марта ногиронлар аравачасида авлиё Пётр майдонига етиб келган ҳолда омма олдига чиқди.
Папа икки томонлама пневмониядан қарийб 40 кун давом этган даволанишдан сўнг 23 март куни шифохонадан чиқарилган. 88 ёшда бўлганлиги сабабли шифокорлар Рим папасига икки ойлик дам олишни тавсия қилишганди.
Маълумотларга кўра, Франциск кислород терапияси туфайли овоз билан боғлиқ муаммоларга дуч келган.
