Рустам Жумаев Фавқулодда вазиятлар вазири ўринбосари этиб тайинланди
Полковник Музаффаржон Мамасиддиқов Фавқулодда вазиятлар вазирлиги Академияси бошлиғи лавозимини эгаллади.
Президентнинг қарори билан Рустам Жумаев Фавқулодда вазиятлар вазирининг ўринбосари – Молия, таъминот ва қурилиш департаменти бошлиғи вазифасини бажарувчи лавозимига тайинланди.
Тайинловга қадар Жумаев Рустам Шуҳратович Ҳисоб палатасининг турли лавозимларида фаолият юритган.
Президентнинг фармойиши билан полковник Мамасиддиқов Музаффаржон Мусажонович Фавқулодда вазиятлар вазирлиги Академияси бошлиғи лавозимига тайинланди.
Тайинловга қадар полковник Мамасиддиқов Музаффаржон Мусажонович Ҳуқуқни муҳофаза қилиш академияси бошлиғи ўринбосари лавозимида фаолият юритган.
Шу кунга қадар Фавқулодда вазиятлар вазирлиги Академияси бошлиғи лавозимида фаолият юритиб келган генерал-маёр Ҳайдаров Равшан Ҳайдарович нафақага чиқиши муносабати билан лавозимидан озод этилган.
