Жон Кеннеди ўлдирилиши билан боғлиқ барча ҳужжатлар махфийликдан чиқарилди
Президент Трамп "одамлар бу ҳужжатларни кўришни ўнлаб йиллар кутишганини" айтди.
АҚШ Миллий архиви президент Доналд Трампнинг буйруғига асосан собиқ президент Жон Кеннедининг ўлдирилиши билан боғлиқ барча махфий ҳужжатларни эълон қилди.
Трамп бир кун аввал “одамлар бу ҳужжатларни кўришни ўнлаб йиллар кутишганини” айтди.
Жон ва Роберт Кеннеди ва Мартин Лютер Кингнинг ўлдирилиши билан боғлиқ минглаб файлларни ошкор қилиш тўғрисидаги буйруқ президент лавозимига киришганидан кўп ўтмай имзоланди.
CNN телеканали эслатишича, Кеннеди ўлдирилиши билан боғлиқ файлларнинг муҳим қисми аввалги президент Жо Байден маъмурияти даврида аллақачон нашр этилган.
Ҳужжатларга кириш архивнинг расмий веб-сайтида, шунингдек, босма шаклда ёки аналог ташувчиларда мавжуд бўлади.
"Жон Кеннеди ўлдирилиши ҳақидаги файлда суиқасд билан боғлиқ олти миллион саҳифадан ортиқ ҳужжатлар мавжуд. Бу тўпламнинг катта қисми махфийликдан чиқарилди ва ҳозир жамоатчилик ҳам шахсан, ҳам интернет орқали танишиш мумкин", - дейилади баёнотда.
