Тошкентда иситиш мавсуми 18 мартдан якунланади
Сўнгги ҳафта давомида пойтахтда кундуз кунлари ҳаво ҳарорати +18-19° ва ундан юқори, кечалари эса +8° дан пастга тушмаяпти.
Тошкентда 18 мартдан иситиш мавсуми якунланмоқда. Бу ҳақда пойтахт ҳокимлиги хабар берди.
Белгиланган меъёрларга кўра, иситиш мавсуми ўртача суткалик ҳаво ҳарорати +8° дан юқори бўлган 5 кунлик давр тугаган куннинг эртасидан бошлаб тугайди.
Сўнгги ҳафта давомида Тошкентда кундуз кунлари ҳаво ҳарорати +18-19° ва ундан юқори, кечалари эса +8° дан пастга тушмаяпти.
Гидрометеорология марказининг прогнозига кўра, яқин 5 кун ичида кундузги ҳаво ҳарорати +20-22°C, кечаси эса +10°Cдан юқори бўлади.
Айни пайтнинг ўзида ҳам пойтахтда ўртача суткалик ҳарорат +12-13° дан ошган, бу иситиш мавсумини якунлаш учун белгиланган меъёрларга мос келади, ддейилади ҳокимлик хабарида.
Юқоридагилардан келиб чиқиб, 2024-2025-йиллардаги иситиш мавсуми расман 2025 йил 18 мартда якунланади.
