Тошкентда йўлларни таъмирлаш учун 12 млрд сўм ажратилади

Тошкент шаҳрида ички йўлларни таъмирлаш учун 12 млрд сўм ажратилади. Бу ҳақда ҳоким Шавкат Умрзоқовнинг 2025 йил 14 мартдаги қарорида маълум қилинди.

Маблағ Тошкент шаҳар ҳокимлиги ҳузуридаги Тошкент шаҳрини ривожлантириш жамғармаси маблағлари ҳисобидан туманлар Ободонлаштириш бошқармаларига ажратилади.

Шаҳар ҳокими ўринбосари Б.Раҳмонов ва туманлар ҳокимлари маблағларнинг сарфланишини назорат қилиб боради.

Қарор иловасида кўрсатилишича, пойтахтдаги 12 та туманга 1 млрд сўмдан ажратилади.

Қарор ижросини назорат қилиш Шавкат Умрзоқовнинг биринчи ўринбосари Б.Ҳайдаров зиммасига юкланган.