Самарқанддаги тарихий иншоотларга 46,8 млрд сўмлик зарар етказилди
XIX – ХХ асрларга оид 3 та тарихий масжид бузиб ташланган.
Самарқанддаги тарихий масжидларга 46,8 млрд сўмлик зарар етказилди.
Прокуратура органлари томонидан Маданий мерос агентлиги билан ҳамкорликда назорат тадбирлари ўтказилган.
Тадбир давомида Самарқанд вилоятидаги XIX – ХХ асрларга оид 3 та тарихий масжид бинолари бузиб ташланганлиги ҳамда 1 таси тегишли рухсатсиз таъмирланганлиги оқибатида ёдгорликларга жами 46,8 млрд сўмлик зарар етказилганлиги аниқланди.
Хусусан, Каттақўрғон туманидаги “Кушоқ ота” масжиди бузилган, ёдгорликка 19,6 млрд зарар келтирилган.
Ургутдаги “Аҳмад Яссавий” ва “Ҳожи Ўринбой” масжидлари бузилиб, 17 млрд сўмлик зарар етказилган.
Шунингдек, Самарқанд туманидаги “Кулба” архитектура ёдгорлиги рухсатсиз таъмирланганлиги натижасида 10,2 млрд сўмлик зарар етказилган.
Аниқланган ҳолатлар юзасидан жиноят ишлари қўзғатилиб, назорат тадбирлари давом эттирилмоқда.
