ОАВ: Трамп Украинага барча ёрдамни тўхтатмоқда
Украинага жўнатилмаган ёки Полшадаги транзит зоналарида турган ҳарбий техника АҚШга қайтарилади.
АҚШ президенти Доналд Трамп Украинага барча ҳарбий ёрдамни тўхтатади. Бу ҳақда Bloomberg хабар берди.
АҚШ президенти Доналд Трамп Зеленский билан можародан бир неча кун ўтиб Украинага берилаётган барча ҳарбий ёрдамни тўхтатиб қўйишни буюрган.
Агентликнинг АҚШ Мудофаа вазирлигининг юқори мартабали мулозимига асосланиб ёзишича, Америка Украинага жорий қилинган барча ҳарбий ёрдамни "мамлакат етакчилари тинчликка интилиш содиқлигини кўрсатмагунича" тўхтатмоқда.
Ҳозирча Украинага жўнатилмаган ёки Полшадаги транзит зоналарида турган ҳарбий техникаси АҚШга қайтарилади, деди расмий.
АҚШ уруш бошидан буён Украинани қўллаб келаётган энг йирик давлатдир.
Эслатиб ўтамиз, 28 феврал куни Вашингтонда учрашган Трамп ва Зеленский ўртасида тортишув содир бўлди. Бунга Кремл ҳам ўз муносабатини билдирди.
