Кремл Зеленский ва Трамп ўртасидаги тортишувни изоҳлади
Россия томонининг иддао қилишича, "Зеленский тинчликни истамайди, улар уруш давом этишини хоҳлайди".
Кремл томони Зеленский, Венс ва Трампнинг Овал кабинетдаги ўзаро жанжалига изоҳ берди.
"Оқ уйда жума куни содир бўлган воқеа, албатта, Украина атрофидаги тинчлик масаласига кириш кириш қанчалик қийин бўлишини кўрсатди. Киев режими ва Зеленский тинчликни истамайди, улар уруш давом этишини хоҳлайди", деди Кремл матбуот котиби Дмитрий Песков.
Киев томонининг айтишича, Украинага адолатли тинчлик керак, АҚШ Россия ва Путин тимсолидаги тажовузкорни эмас, агрессия қурбонини қўллаб-қувватлаши керак.
"Айтайлик, мисли кўрилмаган воқеа", дея изоҳлади Кремл матбуот котиби Оқ уйдаги жанжални.
Унинг таъкидлашича, Зеленский "кўп жиҳатдан дипломатик маҳоратнинг тўлиқ етишмаслигини кўрсатди".
" Энди бу жараённи ҳар қандай конструктив қўллаб-қувватлаш, ҳар қандай конструктив ташаббусни илгари суриш керак бўлади.
Шубҳасиз, кимдир Зеленский билан мулоқотдан кейин Оқ уйда қолган ёқимсиз ҳолатни қандайдир йўл билан зарарсизлантириш учун Вашингтон билан мулоқот борасида жиддий ҳаракат қилиши керак”, — дея қўшимча қилди Песков.
Эслатиб ўтамиз, Россия уч йил олдин Украинага ҳужум қилганига қарамай, Трамп ўз баёнотларида Зеленский ва АҚШнинг аввалги президенти Жо Байден уруш бошланишида айбдор, деб даъво қилмоқда.
