Томас Бах Халқаро олимпия қўмитаси раҳбарлигидан кетмоқда
У мазкур лавозимга 2013 йилнинг сентябрида келганди.
Халқаро олимпия қўмитаси Ижроия кенгаши ташкилот президенти Томас Бахнинг ХОҚ аъзоси лавозимидан истеъфосини қабул қилди.
Маълум қилинишича, у 2025 йил 23 июндан сўнг лавозимдан кетади.
Бах 2025 йилнинг 20 мартида Коста-Наваринода (Греция) сайланадиган қўмитанинг янги президентига вваколатларини ўтказади.
Эслатиб ўтамиз, Томас Бах 2013 йил 10 сентябр куни ХОҚнинг тўққизинчи президенти этиб сайланган эди.
У 2021 йил 10 мартда иккинчи тўрт йиллик муддатга қайта сайланган. Бах 1991 йилдан буён ҲОҚ аъзоси эди.
71 ёшли Бах 1976 йилги Монреал Олимпиадасида Германиянинг қиличбозлик бўйича терма жамоаси билан олтин медални қўлга киритган.
У аввал Германия олимпия спорт федерациясини ҳам бошқарган.
