Германиядаги сайловларда амалдаги канцлер партияси қақшатқич мағлубиятга учради

Германияда бундестагга сайловлар бўлиб ўтди.

Федерал сайлов комиссиясининг дастлабки маълумотларига кўра, Фридрих Мерц бошчилигидаги ўнг марказчи блок (Христиан-демократик иттифоқ ва Христиан ижтимоий иттифоқи) 28,6 фоиз овоз тўплаган.

Бунгача социологлар ушбу блокнинг ишончли ғалабасини башорат қилишган, кейин эса экзит-полллар буни тасдиқлаган.

Марказий сайлов комиссияси маълумотларига кўра, “Германия учун альтернатив” (AfD) 20,8 фоиз овоз олган. Бу AfD тарихидаги энг яхши натижа бўлиб, сайловлардан сўнг Алис Вайделнинг партияси Бундестагдаги депутатлари сонини икки баробарга ошириши мумкин.

Канцлер Олаф Шолц бошчилигидаги социал-демократлар партияси ўз тарихидаги энг ёмон натижа билан учинчи ўринни эгаллаб турибди: улар 16,4% овоз тўплаган. Шолц сайловлардаги мағлубиятни тан олиб, натижаларни СДП учун аччиқ деб атади.

Яшиллар учун 11,6%, сўл партиялар учун 8,8% сайловчи овоз берди.

Сўл миллатчи Сара Вагенкнечт иттифоқи ва ўнг либерал Эркин демократлар партияси, дастлабки маълумотларга кўра, 5 фоизлик тўсиқдан ўта олмади.