Беҳзод Ҳамраев Статистика агентлиги директори этиб тайинланди
У шу пайтгача Марказий банк раисининг ўринбосари лавозимида ишлаётганди.
Жамият
24 февраль, 21:10
Президент фармони билан Беҳзод Сайлихонович Ҳамраев Статистика агентлиги директори лавозимига тайинланди.
Шу муносабат билан у Ўзбекистон Республикаси Марказий банки раисининг ўринбосари лавозимидан озод этилди.
Беҳзод Ҳамраев 1983 йил Бухоро вилоятида туғилган. 2006 йили Тошкент Давлат иқтисодиёт университети магистратурасини, 2016 йили Япониянинг сиёсий фанлар миллий институтини тамомлаган.
Эконометрика ва статистика магистри даражасига эга.
Меҳнат фаолиятини Иқтисодиёт вазирлигида бошлаган.
Январ ойида Статистика агентлигининг аввалги раҳбари Баҳодир Бегалов ишдан олинганди.
