Ўзбекистон ТИВ раҳбари АҚШ давлат котиби билан мулоқот ўтказди
Марко Рубио суҳбатда Ўзбекистон мустақиллиги, суверенитети ва ҳудудий яхлитлигини қўллаб-қувватлашини таъкидлаган.
АҚШ давлат котиби Марко Рубио ва Ўзбекистон ташқи ишлар вазири Бахтиёр Саидов ўзаро суҳбат ўтказди.
Марко Рубио бугун Ўзбекистон ташқи ишлар вазири Бахтиёр Саидов билан суҳбатда АҚШ Ўзбекистон мустақиллиги, суверенитети ва ҳудудий яхлитлигини қўллаб-қувватлашини таъкидлаган.
Икки томон тинч ва фаровон Марказий Осиёни қўллаб-қувватлаш мақсадида ҳамкорликни давом эттириш, жумладан, C5+1 дипломатик платформаси орқали ҳамкорликни муҳокама қилди.
Рубио Ўзбекистонга ноқонуний миграцияни чеклаш бўйича ҳамкорлик ва терроризмга қарши биргаликдаги саъй-ҳаракатлари учун миннатдорчилик билдирди.
Қўшма Штатлар муҳим фойдали қазилмалар ва АҚШнинг фуқаролик атом энергияси технологияларига сармоя киритиш учун ўзаро манфаатли имкониятларда Ўзбекистон билан ҳамкорлик қилишни интиқлик билан кутмоқда, дейилади хабарда.
Бахтиёр Саидовнинг ёзишича, "Ўзбекистон Ташқи ишлар вазирлиги ва АҚШ Давлат департаменти мамлакатлар ўртасидаги стратегик шерикликни барча соҳаларда кенгайтириш йўлида яқин ҳамкорликни давом эттиришига келишиб олган".
"Ишбилармон доиралар ўртасида мустаҳкам кўприклар барпо этиш, ҳар икки йўналишда товар айирбошлаш ҳажмини ошириш, Марказий Осиё ва ундан ташқарида фаровон тараққиётни таъминлаш кун тартибимизнинг асосий қисмидан ўрин олди", дея ёзади вазир.
