ҲАМАС барча исроиллик асирларни озод этишга тайёрлигини билдирди

Ғазо секторидаги ҲАМАС ҳаракати ўт очишни тўхтатиш келишувининг иккинчи босқичида қолган барча исроиллик гаровга олинганларни озод қилишга тайёр, деди ҳаракат матбуот котиби Ҳазем Қосим.

Шу билан бирга, ҲАМАС Исроилнинг қуролсизланиш ва Ғазо секторидан қўшинларни олиб чиқиб кетиш талабини рад этди.

"Босқинчиларнинг ХАМАСни Ғазо секторидан чиқариб юбориш шарти бемаъни психологик урушдир ва қаршиликни Ғазодан олиб чиқиб кетиш ёки қуролсизлантириш қабул қилиб бўлмайди. Ғазо секторининг келажаги бўйича ҳар қандай келишув миллий консенсус асосида тузилади", деди Қосим. (Ал Жазира иқтибос келтирган).

19 январдан бери Исроил ва ХАМАС ўт очишни тўхтатишга келишиб олган.

Биринчи босқичда ҲАМАС гаровга олинган 33 кишини, иккинчи босқичда эса қолганларини озод қилишга ваъда берди. Бунинг эвазига Исроил томони фаластинлик маҳбусларни қамоқдан озод қилади. Охирги алмашинув 15 феврал куни бўлиб ўтди.

Исроил расмийларига кўра, ҲАМАС асирлигида 73 киши қолмоқда.