Исроил ҲАМАСнинг ҳарбий етакчиси ўлдирилганини эълон қилди

Исроил мудофаа кучлари 13 июль куни Ғазо сектори жанубидаги Хон Юнус шаҳрига уюштирилган ҳужум чоғида ҲАМАС бригадаси қўмондони Раф Саламанинг ўлдирилгани ҳақида хабар берди.

Исроил армиясининг даъво қилишича, у ҳаракатнинг ҳарбий қаноти раҳбари Муҳаммад Деифнинг яқин ҳамкори ва 7 октябрь куни Исроилга ҳужум ташкилотчиларидан бири бўлган.

ҲАМАС бригада командирининг ўлимини ҳали тасдиқламади.

"Раф Саламанинг йўқ қилиниши ҲАМАСнинг ҳарбий имкониятларини сезиларли даражада чеклайди", — дейилади Исроил армияси баёнотида.

Армия маълумотларига кўра, у 1990 йиллардан бери ҲАМАС сафларида бўлган ва Яҳё Синварнинг укаси Муҳаммад Синвар қўмондонлиги остида хизмат қилган (у Исроил разведкасига кўра, анклавда яширинган). Яҳудий кучларининг даъво қилишича, Рафа Салама 2016 йилда Хон Юнусда бригада қўмондони бўлган ва Исроилга ҳудуддан кейинги ракета ҳужумларини мувофиқлаштирган.

Аввал Исроил армияси Хон-Юнусс вилоятига ҳаво ҳужуми уюштирилгани ҳақида хабар берган эди. Ҳужум нишони ХАМАСнинг юқори мартабали ҳарбий қўмондони Муҳаммад Деиф бўлган. Лекин ҳужумда ўнлаб тинч аҳоли вакиллари ҳалок бўлган.