Жиззахда фуқаро табиатга 435 млн сўмлик зарар етказди

Жиззахда табиатга 435 млн сўмдан ошиқ зарар етказилди.

Жиззах вилоятининг Зарбдор туманида 18 декабр куни фуқаро Т.А томонидан жами 19 туп дарахт кесиб кетилган.

Вилоят прокуратураси маълум қилишича, тумандаги "Кериз" қабристони ҳудудида манзарали бўлган 17 туп паст бўйли қайрағоч ва 2 туп кўк терак дарахти ноқонуний кесилган.

Оқибатда ўсимлик дунёсига 435 млн 750 минг сўм миқдорда зарар етказилган.

Ҳолат юзасидан вилоят прокуратураси томонидан Жиноят кодексининг 198-моддаси (Экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) билан жиноят иши қўзғатилган бўлиб, тергов ҳаракатлари олиб борилмоқда.