Ташкилотларда раҳбарнинг Қонунчилик палатаси билан бирга ишлайдиган биринчи ўринбосари лавозими жорий этилмоқда

Барча вазирлик, ташкилот ва идоралар раҳбарларининг Қонунчилик палатаси билан бирга ишлайдиган биринчи ўринбосари лавозими ташкил этиляпти.

Бу ҳақда Олий Мажлис Қонунчилик палатаси мажлисида маълум қилинди.

Йиғилишда Олий Мажлис Қонунчилик палатаси Кенгашининг қарорини тасдиқлаш тўғрисидаги масала кўриб чиқилди ва тегишли қарор қабул қилинди.

Раҳбарларининг биринчи ўринбосарлари қонунчилик палатаси билан ишлайди, агар бундай лавозим бўлмаса Вазирлар Маҳкамаси билан келишилган ҳолда ташкил этилади. Мазкур қадам ташкилотларнинг қонунчилик фаолияти билан алоқаларини мустаҳкамлашга хизмати қилиши айтилган.

Эслатиб ўтамиз, президент Шавкат Мирзиёев Олий Мажлисга мурожаатида ҳам мазкур масалани кўтарганди.