Ҳайдовчилар техпаспорт, гувоҳнома ёки ID-картани ёнларида олиб юриши шарт бўлмайди
Бу ҳақда Вазирлар Маҳкамасининг "ижтимоий карта" бўйича қарорида маълум қилинган.
Ҳайдовчилар эндиликда техпаспорт, ҳайдовчилик гувоҳномаси ёки ID-карта олиб юришлари шарт эмас.
Бу ҳақда Вазирлар Маҳкамасининг 27.12.2024 й. 897-сон “Аҳолини ижтимоий қўллаб-қувватлашда “ижтимоий карта“ тизимини жорий этиш чора-тадбирлари тўғрисида“ги қарорида маълум қилинган.
2025 йил 1 июндан бошлаб ЙПХ ходимига ID-картанинг электрон версиясини смартфонида кўрсатиш кифоя қилади.
Шунингдек, банкларда, нотариусларда, темир йўл станцияларида ёки аэропортларда сиз ID-картангизни телефон орқали кўрсатиш мумкин.
Қарорда Ягона интерактив давлат хизматлари портали ва "Ижтимоий карта" мобил иловасида жорий этиладиган ҳужжатларнинг унификацияланган рақамли сервислари рўйхати келтирилган.
Унда 17 ҳужжат номи келтирилган. Улар ичида паспорт, ID-карта, техпаспорт, ҳайдовчилик гувоҳномаси ва бошқалар келтирилган.
