Трамп Россияга қарши санкцияларни кучайтириши мумкинлигини айтди
Агар Путин Украина бўйича музокаралардан бош тортса жиддий чоралар кўрамиз, деди у.
Трамп Россияга қарши янги санкциялар киритиши мумкин.
АҚШ президенти Доналд Трамп агар Россия президенти Владимир Путин Украинадаги урушни тугатиш бўйича музокаралардан бош тортса, Россияга қарши янги санкциялар қўллаш масаласини кўриб чиқиши мумкинлигини айтди.
"Эҳтимол бу содир бўлади", деди Трамп Оқ уйдаги брифингда журналистнинг бу борадаги саволига.
Бир кун аввал Овал кабинетда журналистлар билан суҳбатда Америка етакчиси яқин келажакда Путин билан учрашишни режалаштираётганини айтди.
"Путин келишувга эришмоқчи эмаслиги билан "Россияни йўқ қилмоқда", деди у.
Бугун Трамп, шунингдек, Қўшма Штатлар Киевга қўшимча қурол етказиб бериш масаласини ўрганаётганини айтди, бироқ унинг тафсилотларига кирмади.
“Биз Зеленский билан гаплашяпмиз. Яқин орада президент Путин билан суҳбатлашамиз ва буларнинг барчаси қандай содир бўлишини кўрамиз”, — дея қўшимча қилди Трамп.
