Шавкат Мирзиёев Туркия президентига ҳамдардлик билдирди
Болу музофотидаги тоғ-чанғи курортида юз берган кучли ёнғинда 66 киши қурбон бўлди.
Жамият
21 январь, 21:05
Шавкат Мирзиёев Ражаб Тоййиб Эрдўғонга ҳамдардлик билдирди.
Туркиянинг Болу музофотидаги тоғ-чанғи курортида юз берган кучли ёнғин оқибатида кўплаб инсонлар қурбон бўлгани ва жиддий жароҳат олгани муносабати билан Ўзбекистон Президенти Шавкат Мирзиёев Туркия Президенти Ражаб Тоййиб Эрдўғонга ҳамдардлик йўллади.
"Қардош Туркия етакчиси ва халқига чуқур таъзия изҳор этиб, давлатимиз раҳбари марҳумларнинг оила аъзолари ва яқинларига сабр-тоқат ва бардамлик, жабрланганлар тез фурсатда соғайиб кетишини тилади", дейилади хабарда.
Эслатиб ўтамиз, тоғ курортида содир бўлган ёнғинда жами 66 киши ҳалок бўлди. Улар орасида Ўзбекистон фуқаролари мавжуд эмас.
