Статистика агентлиги раҳбари Баҳодир Бегалов ишдан олинди
У мазкур ташкилот (2022 йилгача Статистика қўмитаси)ни салкам саккиз йилдан буён бошқариб келаётганди.
Президент ҳузуридаги Статистика агентлиги директори Баҳодир Бегалов ишдан олинди.
Баҳодир Бегалов 1968 йилда Тошкент вилоятининг Бекобод шаҳрида туғилган. Олий иқтисодий маълумотга эга. 1992 йилда Москва иқтисод-статистика институтини битирган.
1992—2012-йилларда Тошкент давлат иқтисодиёт университетида 3-категория муҳандиси, катта ўқитувчи, доцент, ўқув ишлари бўйича декан муовини, декан, проректор лавозимларида ишлаган.
2012-2016 йилларда Статистика қўмитаси раиси ўринбосари, сўнгра Молия институти ректори этиб тайинланди.
Статистика қўмитасини 2017 йилдан буён бошқариб келаётганди. Мазкур ташкилот 2022 йилда Статистика агентлигига айлантирилди.
